Ayaw na Lang... Labi na Kung...

Ayaw na lang paduol sakoa kung mupalayo ra japon ka
Ayaw na lang kapta akong kasingkasing kung buy-an ra japon nimo na
Ayaw na lang tunla ang gugma kung imo ra japon iluwa
Ayaw na lang pagtan-aw'g drama kung magsige ra man ka'g hilaka


Ayaw na lang pagsulti'g "I love you" kung musulti ra japon ka'g "good bye"
Ayaw na lang ko pakataw-a kung ikaw ra'y nalipay
Ayaw na lang palayo kung gusto diay ka sa akoa mu-agbay
Ayaw na lang dawata ang panalangin kung imo ra diay ning ilabay


Ayaw na lang isulti kung dili ra japon nimo buhaton
Ayaw na lang ingo'g "secret" kung imo ra japon ignon
Ayaw na lang pa "as if honest" kung imo ra man diay ilaron
Ayaw na lang pa-buot-buotan kung imo ra mang awayon

Ayaw na lang pagpalit og sanina kung di japon ka manglaba
Ayaw na lang panghatag kung bawion ra nimo ang gidawat na
Ayaw na lang paghigugma kung ikaw muundang na, mangilad pa
Ayaw na lang igna nga magpabilin ka kung mamiya ra japon ka

Ayaw na lang pag-"sorry" kung ang ubang sayop nimo imo pang balikan
Ayaw na lang pagpa-"sweet char" kung himuon ko nimong ampalaya "bitter ba" og daotan
Ayaw na lang pagpakita'g maayo ra kung di ka kabalo mutug-an, mudawat og angkon sa imong tinood na batasan
Ayaw na lang ko igna'g "pakaslan tika" labi na kung wala ko nimo gihaguan og gipadayon og pag-ampo sa atong Langitnong Amahan